Mir iwwer éis

D’Alternativ mat Vernonft – well Verännerung méi brauch wéi Parollen.

Vill nennen sech „Alternativ“. Mir huelen dat eescht: Jo, et muss sech Grondsätzleches änneren – well d’Politik ze dacks diskutéiert, an ze wéineg decidéiert. Mee nëmme kritiséieren oder „de staarke Mann“ spille léist kee Problem. Richteg Verännerung geléngt nëmme mat kloren Ziler, konkrete Konzepter an enger laangfristeger Planung, déi och a fënnef oder zéng Joer nach dréit.

Mir sti fir eng wielbar Alternativ an der politescher Mëtt: couragéiert genuch, fir Decisiounen ze huelen – vernënfteg genuch, fir se propper ze begrënnen an ëmzesetzen.

FOKUS – Wann s du wëlls, datt sech wierklech eppes ännert.

De Prinzip Politik mat Vernonft

Politik ass kee Selbstzweck, mee en Déngscht fir de Wuel vun eis all. Mir setzen op Stabilitéit, Responsabilitéit an eng kloer Visioun fir d’Zukunft vu Lëtzebuerg.

Mir orientéieren eis un der Stabilitéit anstatt u kuerzfristegem Populismus. Duerch kloer Reegele fir politesch Verantwortung an d’Erneierung vu staatleche Strukture maache mir nohaltegt Handele méiglech. Dozou gehéieren eng Mandatsbegrenzung, d’Trennung vun nationale a lokale Mandater an e Verbuet mat engem Mandat d´Partei ze wiesselen. Mir fuerderen d’Direktwal vum Premierminister an effizient Gemengereforme mat enger handlungsfäeger „Chamber vun de Buergermeeschteren“. De Conseil national pour étrangers gëtt politesch gestäerkt. Eng Zukunftskommissioun soll d´Politik mei an d´Verantwortung huelen an d´Matsproocherecht vun de Bierger stäerken.

Engagement ass d’Fundament vun eisem Zesummenhalt. Wien Verantwortung iwwerhëlt, verdéngt Unerkennung a sozial Sécherheet. Mir wäerten d’Éiereamt op a féiere flexibel Aarbechtsmodeller an – wéi eng fräiwëlleg Reduktioun vun der Aarbechtszäit ouni Lounverloscht fir Familljen an Éierenamtlecher. E Biergerdéngscht soll den Zesummenhalt fërderen, an och am Alter wëlle mir den Asaz fir d´Gesellschaft belounen.

Vertraue brauch Verlässlechkeet. Mir sti fir e staarke Rechtsstaat, dee bei Verstéiss konsequent a séier reagéiert. Biergerlecht Engagement gëtt dobäi ausdrécklech als wäertvolle Bäitrag unerkannt.

Eng staark Familljepolitik ass d’Basis fir de sozialen Zesummenhalt. Mir bekämpfen d’Kanneraarmut konsequent a schafe finanzielle Spillraum fir d’Grënnung vu Familljen. Mir setzen op de Choix bei der Betreiung an op eng steierlech Entlaaschtung fir Elteren. Mir ënnerstetzen Veräiner déi eng gutt Jugendaarbecht maachen.

Wuesstem muss dozou dengen, de Wuelstand an d’Infrastruktur ze erhale. Mir wëllen e kontrolléiert Wuesstem, fir d’Renten an d’Bildung ofzesécheren, bei enger gerechter Besteierung vun Aarbecht a Kapital. Innovativ Betriber gi gefërdert an d’Groussregioun gëtt duerch grenziwwerschreidend Zesummenaarbecht gestäerkt.

Politik muss iwwer d’Walperioden eraus denken an handelen. Mir fuerderen eng „Zukunftskommissioun“ nom finnesche Modell am Parlament. D´Regierung muss reegelméisseg Zukunftsberichter presentéieren a Reformen laangfristeg ausriichten. An Zesummenaarbecht mat Experten an Biergerforen, muss d´Politik sech zu laangfristegen Zieler bekennen an op dës Zieler hischaffen.

Bildung verbënnt Wëssen a Wäerter. Mir bannen d’Eltere méi staark an d’Wäertervermëttlung an („Engagéiert Elteren“) a maachen d’Schoul zu enger Plaz vun Orientéierung a Leeschtung. Lëtzebuergesch ass eis Bréckesprooch an engem System, deen Méisproochegkeet an Integratioun erméiglecht.

Mir garantéieren d’Onofhängegkeet vun eisem Land. Zil ass e stabilt Rentesystem an d’Stäerkung vun de Sozialleeschtungen am Inland. Mir reduzéieren d’Ofhängegkeet vun der Zouwanderung an den Frontalieren, fir eis Systemer laangfristeg ofzesécheren.