Unsere Struktur

Fokus

6 hours ago

🇱🇺 | Um Weltfraendag erënnere mir eis un déi
sozial, politesch, kulturell
a wirtschaftlech Errungenschafte vun de Frae weltwäit. Et ass e wichtegen Dag fir d’Bedeitung vun der Gläichstellung vun de Geschlechter ze betounen an dorun ze erënneren, dass d’Stäerkung vun de ...Fraen
en entscheedene Schratt an eng méi inklusiv Gesellschaft ass.

🇬🇧 | On International Women’s Day, we are reminded of the social, political, cultural, and economic achievements of women worldwide. It is an important day to emphasize the significance of gender equality and to remember that empowering women is a crucial step towards a more inclusive society.

🇫🇷 | À l’occasion de la Journée internationale des femmes, nous nous souvenons des réalisations sociales, politiques, culturelles et économiques des femmes dans le monde entier.
C’est une journée importante pour souligner l’importance de l’égalité des genres et rappeler que l’autonomisation des femmes est une étape essentielle vers une société plus inclusive.

FOKUS.

6 hours ago

Fokus

2 days ago

FOKUS. fuerdert zanter Méint eng seriö Diskussioun ronderëm eng Zukunftskommissioun no finneschem Modell! Well mir gesinn, dass d’Politik just kuerzsichteg handelt. Well mir gesinn, dass de Courage feelt déi grouss Erausfuerderungen nohalteg unzegoen. Well mir gesinn, dass virun allem Politik... vu Walen zu Wale gemaach gëtt, net fir d’Saach, mee fir dat eegent Mandat. Lëtzebuerg huet mei verdéngt. Nach hu mir vill Potential. Loosst eis et net vu kuerzsichtege Politiker verspillen.

132

FOKUS.

2 days ago

Fokus

4 days ago

An de leschte Joren ass eng Entwécklung ëmmer méi däitlech ze erkennen: ëmmer méi Schüler a Schülerinne verloossen de nationale Schoulsystem a wiesselen an Europaschoulen oder aner international Schoulstrukturen.

An engem internationale Land wéi Lëtzebuerg hunn esou Schoulen ouni... Zweiwel hir Berechtegung. Besonnesch fir Familljen, déi sech nëmme fir eng begrenzten Zäit hei am Land ophalen, kënnen dës Schoulen eng passend Offer sinn.

Gläichzäiteg stellt sech awer eng wichteg Fro: Wat bedeit dës Entwécklung op Dauer fir eise gesellschaftlechen Zesummenhalt a fir d’Roll vun eiser ëffentlecher Schoul?

Fir eis ass kloer: D’Fundament vun eisem Bildungssystem bleift déi ëffentlech Schoul. Genee dofir hu mir och an eisem Walprogramm vun 2023 e kloert Bekenntnis dozou ofginn.

Eis Iwwerzeegung ass einfach:

Mir brauchen net fir all Kand eng eege Schoul – mir brauchen eng Schoul fir all Kand.

D’ëffentlech Schoul ass eng vun de wichtegste Plazen, wou Kanner aus verschiddene sozialen a kulturellen Hannergrënn zesummekommen. Hei entsti gemeinsam Erfarungen, déi de gesellschaftlechen Zesummenhalt stäerken.

Dobäi spillt och d’lëtzebuergesch Sprooch eng zentral Roll. Si ass net nëmmen eng Sprooch vum Alldag, mee och e wichtegt Instrument fir Integratioun an eng gemeinsam Basis an eiser Gesellschaft.

Dofir solle mir d’Entwécklung ronderëm d’Europaschoulen opmierksam an och kritesch begleeden. Net fir alternativ Schoulmodeller a Fro ze stellen, mee fir sécherzestellen, datt eis ëffentlech Schoul och an Zukunft staark, attraktiv a verbindend bleift.

FOKUS.

4 days ago

100

Fokus

5 days ago

Ëmmer méi Kanner verloossen de Lëtzebuerger Schoulsystem a ginn an d’Europaschoulen. Dat schéngt keng Randerscheinung méi ze sin, mee sou lues eng strukturell Entwécklung. A gläichzäiteg si mir houfreg, wann dës Kanner iwwerhaapt nach eemol mam Lëtzebuergeschen a Kontakt kommen – wéi... wann et e Bonus wier, an net e Fundament vun eiser Gesellschaft. Et ass paradox. Eng Sprooch lieft net vun symbolesche Momenter, mee vum Alldag, vun der Schoul, vum natierleche Gebrauch. Wa mir wëllen, datt Lëtzebuergesch méi ass wéi eng Traditioun fir Sonndesried, da musse mir eis froen, firwat ëmmer méi Elteren dem nationale System net méi vertrauen.

312

FOKUS.

5 days ago

Fokus

6 days ago

Eng Zukunftskommissioun fir Lëtzebuerg 🇱🇺

All Regierung soll am Ufank vun enger Legislaturperiod e “Rapport iwwer d’Zukunft vu Lëtzebuerg” am Parlament virleeën — mat enger kloerer Visioun fir déi nächst 20–25 Joer: Chancen, Risiken a strategesch Prioritéiten.
...
Dëse Rapport gëtt dann vun enger onofhängeger Zukunftskommissioun analyséiert. Zesumme mat Experten, dem Conseil économique et social a Biergerforen entsteet eng Bewäertung, déi méi ass wéi Kritik: konkret Virschléi, déi och zukünfteg Regierunge berécksiichtege mussen.

D’Zil? Eng nei politesch Kultur.
Net nëmmen un déi nächst Wal denken — mee un déi nächst Generatioun.

➡️ Méi Laangzäitdenken.
➡️ Méi Transparenz.
➡️ Méi Kredibilitéit an der Politik.

Eng Alternativ mat Vernonft.

100

FOKUS.

6 days ago

120

Fokus

3 weeks ago

Eis fonkelnei ✨ Internetsäit ass elo online!
Besich eis op https://fokusletzebuerg.lu/lb-lu/ a bleif informéiert iwwer eis Aarbecht. 🔥

Wëllkomm bei FOKUS Lëtzebuerg - FOKUS

FOKUS ass déi wählbar Alternativ an der politescher Mëtt: couragéiert genuch, fir Entscheedungen ze huelen – vernënfteg genuch, fir se propper...

fokusletzebuerg.lu

110

FOKUS.

1 months ago

Eise Parteipresident Marc Ruppert fënnt kloer wieder zum neiste politesche Sujet zu Lëtzebuerg, den alt erëm d’Onfäegkeet vun der Parteielandschaft an insbesonnesch der CSV/DP Regierung beweist, sech sachlech a kommunikativ op der Héicht vun de politesche Geflogenheeten auszedrécken.
...
„D’Diskussioun ronderëm d’Unisextoiletten steet fir de Malaise an der Lëtzebuerger Politik! Et gëtt net méi anstänneg argumentéiert a kontrovers diskutéiert mee just nach kuerzsichteg decidéiert. Wat haut gutt ass, ass muer nees schlecht. An wou een iwwerhaapt laangfristeg histeiere wëll a wisou, weess keen sou richteg. Gehollef ass domat kengem!“

110